Авангарда бара новинари волонтери!

Студентскиот медиум „Авангарда“ го проширува својот тим. Отворен е повик за новинари волонтери кои ќе работат на креирање содржини од областа на образованието, младите, младинското учество и младинските политики.

Повикот е отворен за сите студенти на Универзитетот „Св. Кирил и Методиј“ кои имаат желба и интерес за репортерство, дневно новинарство, работа на подкасти и креирање online содржини за потребите на медиумот.

Новинарите ќе бидат ангажирани за период од два месеца, со можност за продолжување. Работните обврски ќе бидат однапред одредени во договор со новинарот/ката и ќе можат да бидат извршувани од дома. Работното време е флексибилно.

За ангажманот е предвиден финансиски надомест.

За аплицирање на повикот потребно е да испратите кратка биографија (CV) на следниот е-маил: studentskimediumavangarda@gmail.com | subject: ,,Новинар/ка за Авангарда". Само кандидатите кои ќе бидат селектирани ќе бидат повикани на интервју.

Краен рок за аплицирање е 31.08.2020 година.

Авангарда е веб-медиум кој споделува информативни, едукативни и забавни содржини креирани од страна на студентите.

Создаден како проект во рамките на Универзитетското студенско собрание, примарната цел на овој медиум и неговите содржини е информирање на студентите за сите актуелни настани и случувања кои се од нивен интерес.

За какви било прашања или дополнителни информации, слободно обратете ни се на нашиот меил, Фејсбук или Инстаграм профил.

Ве очекуваме!