Конкурс за обука за млади новинари

Во организација на Институтот за комуникациски студии (ИКС) се распишува конкурс за прием на 10 учесници за тримесечна обука за млади новинари.

Обуката ќе се организира во периодот  од ноември 2020 до јануари 2021 и на учесниците ќе им овозможи стручно усовршување и запознавање со практични сознанија и техники за новинарско изразување. Рокот за пријавување е до 25 октомври, недела.

Обуката ќе се користи со комбиниран пристап во наставата, со онлајн и физичко присуство. Преку учесниците ќе имаат можност да се здобијат со есенцијалните  применливи вештини за новинарско изразување, истражување и мултимедијална продукција кои што се потребни при работата  во новинарските редакции или за самостоен ангажман. Предавањата ќе ги водат искусни домашни и странски новинари и тие ќе се одвиват на македонски јазик. 

ИКС ја организира оваа обука како дел од проектот „Поврзи ги точките: Подобрени политики преку граѓанско учество“, поддржан од Британската амбасада во Скопје.

Повеќе информации во однос со темата на програмата, правото на учество, како и документите и процесот на селекција се достапни на следниот линк.